Экономика министрлигинин билдиргенине караганда, жергиликтүү көмүрдүн баасы бир жарым айда тоннасына — 891,1 3 сомго, импорттук көмүр — 516, 66 сомго кымбаттады.
20-октябрга карата жергиликтүү көмүрдүн орточо баасы — 4 миң 167, 59 сом, импорттуку — 4 миң 658, 33 сом болду.
Баткен облусунда көмүр баасы — 5 миң 666,7 сом, Нарында — 3 миң 75 сом. Сүлүктүнүн көмүрү айрым райондордо 9 миң сомго чейин жеткен.
Экономика министрлиги 3 ай ичинде көмүр баасын жөнгө салууну сунуштады. Аталган министрлик буга кыргыз-казак чек арасындагы кырдаалды жана казак бийлигинин көмүр экспортуна тыюу салышын себеп катары көрсөтүүдө.
Эрзат МЫРЗА