“Бүтүн Кыргызстан” партиясынын лидери, коомдук ишмер Адахан Мадумаров эртең, 15-ноябрда Москва шаарына учканы турат. Адахан Кимсанбаевич өзүнүн иш сапары менен эмес, чет жакта убактылуу жашап, иштеп жаткан мекендештерибиздин атайы чакыруусу менен баратат. Алар менен 16-ноябрда жолугушуп, суроо-жооп болот.
Бул жолугушууну “Адахан Мадумаровду колдоо” чыгармачылык тобу менен “Адахан Мадумаровду колдоо” кыймылы уюштурду. Жолугушуу ыр-музыка менен коштолуп, көңүлдүү өтөөрү күтүлүүдө. Кандай өтүп, кандай суроо берилип, эмне жооп болгону боюнча дагы кабарлайбыз.
Күнайым КУБАНЫЧБЕК кызы