Жогорку Кеңештин депутаты, “Ата Мекен” фракциясынын лидери Алмамбет Шыкмаматов бүгүн, 29-декабрда, бир тууган агасы Рахатбек Насыркановду акыркы сапарга узатат. Маркумдун сөөгү Нарын облусундагы Жумгал районунун Кызарт айылындагы жерге берилет. Маркумга топурак салууга Шыкмаматовдун кесиптештери Кызарт айылына барышат.
Рахатбек Насырканов 27-декабрда инфаркттан каза болгон. 58 жашта болчу.
Депутат Шыкмаматов Алмамбет Насыркановичке “Алакан” сайтынын эмгек жамааты терең кайгыруу менен көңүл айтып, азасын тең бөлүшөт.