34 жаштагы эркин күрөш балбаны Канат Бегалиев Кыргызстандын күрөш федерациясынын биринчи вице-президенти болуп дайындалганы тууралуу бүгүн аталган федерация маалымдады. Алардын айтымында, бул кызматты парламенттеги мурдагы депутат Дамирбек Асылбек уулу (ага 16-февралда Казакстанда аткезчиликке шектелип кармалып, иш козголуп, камоого алынган. Анын кош жарандуулугу аныкталгандан кийин, БШК депутаттык мандаттан ажыраткан – авт.) аркалап келген. Андан сырткары, Марат Назарбековдун ордуна грек-рим күрөш федерациясынын вице-президенти болуп Жалил Атамбаев дайындалган.
Күнайым КУБАНЫЧБЕК кызы