Бул видеодон депутат Рыскелди Момбековдон анын фанаты саатын белекке сурап алганын көрсөңүздөр болот.
Мындай көрүнүш 18-майда болгон. Ал күнү Жогорку Кеңештин депутаттары иш сапары менен Ат-Башы районуна барып, жергиликтүү калк менен жолуккан. Жолугушууда эл өкүлүнүн кол саатын белекке сураган фанаты — Белек Төлөгөнөв аттуу Терек-Суу айылынын мугалими экенин социалдык тармакка тааныштары жазып, аны куттукташууда.
Сааттын 2 миң доллар тураарын (тамашасыбы же чыныбы, кайдан -авт.) депутат Жанар Акаев видеонун аягында айтканын уктуңуздар. “Алтын саат экен. “Кыргыз Республикасынын президенти” деген да жазуусу бар экен”,-деп журналисттерге билдирген мугалим Б.Төлөгөнов. Демек, депутат бул саатты мурунку президент Алмазбек Атамбаевден алган. Эсиңиздерде болсо керек, журналист Амантур Мусагулов да Атамбаевдин кол саатын белекке сурап алган.
Эрзат МЫРЗА