Премьер-министр Мухаммедкалый Абылгазиев Орусиянын Кыргызстандагы ыйгарым укуктуу элчиси Николай Удовиченкону (3-августта) кабыл алып, Кыргызстан «2020-жыл – Россия Федерациясынын жылы», Орусия «2020 жыл – Кыргыз Республикасынын жылы» деп жарыялоо макулдашылганын айткан. Тагырагы, эки өлкө башчылары (Жээнбеков менен Путин) макулдашып, ошонун негизинде комитет түзүлүп, иш-чара деталдуу пландалып жатканын билдирген. Ошондон бери, мындай маалымат социалдык тармакта кызуу талкууланып, коомчулук макул эместигин жазышууда.
Андан тышкары, М.Абылгазиев жакын арада Орусиянын премьер-министри Д.Медведев Евразия өкмөттөр аралык кеңешинин кезектеги жыйынына катышуу үчүн Чолпон-Ата шаарына келээрин айткан. Анда да эмнени сүйлөшүп, эмнени чечип жиберишээр экен? Айтор, Орусиянын эле оозун карап калгандайбыз…
Күнайым КУБАНЫЧБЕК кызы