Бүгүн, 14-декабрда, кечке маал 48 саатка камакка алынган экс-депутат Равшан Жээнбековду Биринчи Май райондук сотуна алып келишти. Анын баш коргоо чарасы судьясы Адылбек Субанкуловдун жетекчилигинин алдында каралып, 2020-жылдын 9-февралына чейин камакка алууга чечими чыкты. Бул тууралуу анын адвокаты Замир Жоошев журналисттерге билдирди.
Соттум чечим чыккандан кийин залдан чыгып бараткан Равшан Жээнбеков: «Прокурор, соттор бийликтин заказын аткарып жатат. Бул бийликтин заказы»,-деди. Аны төмөндөгү видеодон көрүңүздөр:
Машинанын артынан аталап кызы чуркап, астынан тосуп аялы ыйлап…
Равшан Жээнбеков: «Камеранын ичи муздаткычтай эле суук»
Эске сала кетсек, Равшан Жээнбеков 12-декабрда Кой-Таш окуялар боюнча “Барымтага алуу” жана “Массалык башаламандыкты уюштуруу” беренелеринин негизинде шектүү катары 48 саатка камакка алынган. Дал ошол күнү Жогорку Кеңеште 7-8-августта Кой-Ташта болгон окуя боюнча мамлекеттик комиссиянын корутундусу угулган. Анда Равшан Жээнбековдун аты көп жолу аталган.
Күнайым КУБАНЫЧБЕК кызы