Күзөт кызматы балдар үйүнө жаңы жылдык белектерин тапшырды. Бул тууралуу ИИМдин Күзөт кызматынын Басма сөз кызматы бүгүн, 31-декабрда, билдирди.
Алардын айтымында, жаңы жылдык иш-чарага ИИМдин Күзөт кызматынын начальниги милициянын полковниги Талантбек Акматов жана анын орун басары милициянын полковниги Эрк Тажиев катышып, Бишкек шаарынын Балдарды жана үй-бүлөнү реабилитациялоо адистештирилген борборунунда тарбияланып жаткан наристелерди жаңы жыл майрамы менен куттуктап, өз белектерин тартуулашты.
Алар барган борбордун жетекчисинин орун басары Гүлжан Ашимова терең ыраазычылыгын айтып, балдар үйүндө төрөлгөндөн 4 жашка чейинки тарбиялануучу наристелердин жашоо-шарттары менен тааныштырып, керектүү, зарыл кем-карчтары толукталгандыгын билдирген.
Салима ЖАКШЫЛЫК кызы