Президент Садыр Жапаровдун Жарлыгы менен Дин иштери боюнча мамлекеттик комиссиянын директору Акин Токталиев кызматынан бошотулуп, анын ордуна Медер Карабаев дайындалды. Бул тууралуу бүгүн, 9-февралда, президенттин маалымат кызматы журналисттерге билдирди.
Белгилей кетсек, Акин Токталиев бул кызматка былтыр ноябрда, агезде президенттин милдетин аткарып турган Садыр Жапаровдун жарлыгы менен дайындалган.
Дин жаатындагы иштерде да интрига күч алып, айрым ажы, аалымдар пендечиликке алдырып, доомат койгон, айыптоолорго толгон билдирүүлөр менен чыгып бири-бирин жамандай башташты. Учурда Муфтиятта Азирети муфтийдин орду талашка түшүп, Максат ажыны жамандашууда… Бул тууралуу «Жалбырак ТВ» даярдаган тасмадан 7:20-мүнөттөн баштап көрө аласыздар.
Салима ЖАКШЫЛЫК кызы