Караколдогу шаардык кеңештин мурдагы депутаты Максат Касеновдун бөгөт чарасы Бишкектин Биринчи май райондук соту каралып, 30-октябрга чейин камакка алынды. Маалыматка караганда, ал Жаза аткаруу мамлекеттик кызматынын №50 тергөө абагында болот.
Эске сала кетсек, М.Касенов «киши өлтүрүүгө аракет кылган» деген шек менен 1-октябрда Каракол шаарынан кармалып, Бишкекке жеткирилген. 2-октябрда кечке жуук Биринчи май райондук сотуна алып келинген. Караколдогу үйүндө тинтүү жүрүп, «Сайга» үлгүсүндөгү мылтык жана башка куралдар табылганын милиция маалымдаган.
Салима ЖАКШЫЛЫК кызы