Кыргыз ССРинин, Бурят АССРинин эл артисти, 94 жаштагы белгилүү опера ырчысы Ирина Деркембаева бүгүн, 11-октябрда акыркы сапарга узатылды. Коштошуу зыйнатына Министрлер кабинетинин төрагасынын орун басары Жылдыз Бакашова, Маданият, маалымат, спорт жана жаштар саясаты министри Кайрат Иманалиев катышып, эмгектерин эскеришти.
Маркумдун сөөгү «Ала-Арча» көрүстөнүнө коюлду.
Ирина Деркембаева Орусиянын Иркутск облусунун Үңкүрлик айылында 1927-жылы 25-декабрда туулган. Москвада консерваторияны аяктап, эмгек жолун Улан-Удэ музыкалык драма театрынан баштаган. 1952-жылы Кыргызстанга келип, опера жана балет театрынын солисти болгон. Искусство институтунда доцент болуп эмгектенип, бир топ опера ырчыларды тарбиялаган.
Салима ЖАКШЫЛЫК кызы