Жогорку сотунун аппарат кызматкерлери бүгүн, 5-февралда ишембилик өткөрүштү. Бул тууралуу басма сөз кызматы билдирди.
Ишембиликке Жогорку сотунун төрагасы Замирбек Базарбеков, судьялар, Жогорку сотунун профсоюз комитетинин төрагасы Болотбек Акматов, Кыргыз Республикасынын Судьяларын тандоо боюнча кеңешинин төрагасы Шералы Камчыбеков катышышты.
Жогорку соттун имаратынын алдында куурап калган арчалар алынып, ордуна жаңы арчалар отургузулду. Арчалар Жогорку соттун профсоюз комитетинин көмөктөшүүсү менен сатылып алынган.
Жаздын алды менен Жогорку сот жана жергиликтүү соттор айлана-тегеректерин ирээтке келтирип, жашылдандыруу иштерин башташат.
Салима ЖАКШЫЛЫК кызы