Түркиянын вице-президенти Фуат Октай зилзаладан каза болгондордун саны 18 миң 342ге жеткенин брифингде билдиргенин РИА Новости жазды. Октайдын айтымында, 74 242 киши жабыркап, 6444 имарат талкаланган. Бир сутканын ичинде уранды алдында калган 121 кишини тирүү алып чыгышкан.
Reuters кабарлагандай, коңшу Сирияда өлгөндөрдүн саны 3480 кишини түздү. Сириянын мамлекеттик басылмалары билдиргендей, 298 миң киши үй-жайсыз калды.
Эске сала кетсек, Түркия менен Сирия чектешкен аймакта 6-февралда таңга жуук күчү 7,8 баллга жеткен зилзала болгон. Түш оой аймакта күчү 7,5 баллга жеткен жер титирөө кайталанган. Түркиянын президенти Режеп Эрдоган бул 1939-жылы Эрзинжанда болгон жер титирөөдөн берки эң ири каргаша болуп калганын айтып, ыйлап 12-февралга чейин аза күтүү күнүн жарыялаган.
Белгилей кетсек, издөө-куткаруу операцияларына 110 миң киши катышууда. Түркияга башка өлкөлөрдөн 5 миңден ашуун куткаруучу барган. Кыргызстандан да кетишкен. Президент Садыр Жапаровдун тапшырмасы менен куткаруу, издөө иштерине жардамга куткаруучуларыбыз жөнөтүлгөн. ВИДЕО
Канча жүрөк турат батып кейишке..
