Картөшкө маселеси чечилди…

Картөшкө маселеси чечилди…

Кыргызстан Өзбекстанга картөшкө экспорттой баштады. Эки өлкө картөшкө маселесин чечип, жеткирүү боюнча макулдашты.  Тагырагы, Айыл чарба министрлиги кабарлагандай, октябрдын ортосунда эки тараптуу сүйлөшүүлөр өтүп, Өзбекстан картөшкө импорттой ала турган 17 компаниянын атын атаган.

Маселен, Ысык-Көл облусунун ишкерлери менен «Наманган Универсал Савдо Инвест» жоопкерчилиги чектелген коомунун ортосунда келишимге кол коюлган. Ага ылайык, Ысык-Көл облусунан Өзбекстанга 66 тонна жашылча жөнөтүлгөн.

Фитосанитардык сертификация өзбек тараптын талаптарына ылайык жүргүзүлгөн.

Ал ортодо 2-нобярда Кыргызстандын Ташкенттеги элчилигинде картөшкө жеткирүү боюнча өзбек компаниялары менен сүйлөшүүлөр өтүүдө.

Быйыл жыл башында айыл чарба, тамак-аш өнөр жай жана мелиорация министри Нурбек Мурашев картөшкө менен жүгөрүнү Өзбекстанга экспорттоо маселеси да макулдашылганын билдирген.

Бирок жай айында Өзбекстан картөшкө алуудан баш тартканы жарыяланган. Октябрдын ортосунда ортомчулар жер-жерлерден картөшкөнүн килограммын 5-6 сомдон гана сатып алышкан. Дыйкандардын эмгеги акталбай калган.

Бул маселе өкмөт жана парламентте бир нече жолу талкууланган. Депутаттар, премьер-министр жана өлкө президенти айыл чарба министри Нурбек Мурашевдин ишин сынга алышкан.

Күнайым КУБАНЫЧБЕК кызы

Добавить комментарий

Ваш e-mail не будет опубликован. Обязательные поля помечены *

Этот сайт использует Akismet для борьбы со спамом. Узнайте как обрабатываются ваши данные комментариев.