Сооронбай ЖЭЭНБЕКОВ: “Атамбаевдин иши Кыргызстандын мыйзамдарынын алкагында чечилүүгө тийиш”

Сооронбай ЖЭЭНБЕКОВ: “Атамбаевдин иши Кыргызстандын мыйзамдарынын алкагында чечилүүгө тийиш”

Президент Сооронбай Жээнбеков бүгүн, 31-июлда, Чүй облусунун Панфилов районунун жашоочулары менен жолугушту. Анда Атамбаев боюнча суроо узатылды. Ага С.Жээнбеков: «Учурда кыргызстандыктарды мурдагы президент Алмазбек Атамбаевдин тегерегиндеги кырдаалга карата менин көз карашым кызыктыраарын билем. Анын айланасындагы акыркы окуялар, күбө катары суракка чакырылып жатканы — бул мыйзам ченемдүү көрүнүш деп айтат элем. Мыйзамдуу өлкөдө мыйзамдын алкагында гана иш-аракеттерди жүргүзүү керек. Кандай гана адам болбосун — мурдагы президентпи, чиновникпи, аскер кызматкериби, же катардагы кызматкерби — мыйзам баарына бирдей болуп, ар бирибиз ага баш ийишибиз керек. Ошондо гана өлкө өнүгөт. Атамбаевдин иши дагы Кыргызстандын мыйзамдарынын алкагында чечилүүгө тийиш. Менин көз карашым ушундай», — деп баса белгиледи.

Андан тышкары, президент: «Бир ууч топтун жеке кызыкчылыгына каршы чыгышым мүмкүн, бирок элимдин кызыкчылыгына каршы чыкпайм! Бир ууч топко кызмат кылам, алардын кызыкчылыгын коргойм, уурулугун жашырам” деп элге убада берген эмесмин«,-деди. Бул сөзүн мурда да айткан. Аны бу жердеги ШИЛТЕМЕден окуп, видеосун көрсөңүз болот.

Эрзат МЫРЗА

Добавить комментарий

Ваш e-mail не будет опубликован. Обязательные поля помечены *

Этот сайт использует Akismet для борьбы со спамом. Узнайте как обрабатываются ваши данные комментариев.