Бул тууралуу ТИМдин басма сөз кызматы билдирди. 3-октябрда, Алматы облусунун Иле районунда “East Wing” авиакомпаниясынын Ан-28 учагы кырсыкка кабылып, жерге кулап түшүп, өрттөнүп кеткен. Анын ичиндеги 5 адам каза болгон. Беш адамдын экөө кыргызстандыктар (64, 66 жашта) экени аныкталганы, аты-жөнү такталып жатканын ТИМдин маалымат катчысы Айымкан Кулукеева билдирип, алардын сөөгүн Кыргызстанга алып келүү иши жүрүп жатканын кошумчалаган.
Бүгүн, 6-октябрда, набыт болгондордун аты-жөнү такталган. Алар учактын командири Геннадий Цой менен инженери Бейшебек Акматбаев болгон. Маркумдардын сөөгүн жакындары тааныгандан кийин. сөөгү Бишкекке жөнөтүлдү.
Эрзат МЫРЗА