Бүгүн, 28-апрелде президент Сооронбай Жээнбеков Бишкек, Ош, Жалал-Абад шаарларында жана Ат-Башы районунда өзгөчө абалдын мөөнөтүн 10-майга чейин узартуу жарлыгына кол койду. Бул тууралуу президенттин басма сөз кызматы билдирди.
Алардын айтымында, жарлыкка кол коюлгандан тарта күчүнө кирет жана Жогорку Кеңештин кароосуна жиберилет. Буга чейин депутат Элвира Сурабалдиева бул маселени 30-апрелде парламентте караларын билдирген. Депутаттар колдойбу же жокпу?..
Калган аймактарда 30-апрелде өзгөчө абалдын шарты токтотулганы менен өзгөчө кырдаал режими күчүндө калтырылат.
Күнайым КУБАНЫЧБЕК кызы