Кечээ, 20-декабрда парламентте КСДП фракциясынын лидери Иса Өмүркуловдун Асел Кодуранованы вице-спикерликтен кетирүү фракциянын чечимин күн тартибине киргизип, ал добуш берүү менен чечилди. 111 депутаттын 92си сунушту колдоп, 19 депутат каршы добуш берди. Ошентип А.Кодуранова төраганын орун басарлыгынан алынды. Бирок, ага чейин депутаттар эки жаат болуп бөлүнүп, А.Сулайманов менен Д.Жумабеков кайым айтыша кетти. Ал экөөнө арачага түшкөндөр да болду. Аягында А.Кодурановага сөз берилип, ал И.Өмүркуловго таарынычын айтты. Аны бу жердеги ВИДЕОдон көрүңүз.
Эрзат МЫРЗА