Бул тууралуу экс-президент Курманбек Бакиевди колдоп келаткан “Назар ньюс” сайты жазып чыкты. Алардын маалыматына караганда, Бакиевдердин 76 жаштагы эжеси Турдукан Бакиева узакка созулган оорудан улам, кечээ, 10-июнда каза болгон.
Маркум Турдукан Бакиева 1942-жылы Сузак районундагы Тейит айылында туулган. 1960-жылы Барпы орто мектебинен аяктаган. 1966-жылы Бишкектеги медициналык институтун бүтүрүп, эмгек жолун Ош шаарынын дарылоо тармагында врач-педиатрлыктан баштап, өмүр бою өз кесиби менен иштеген. Көптөгөн мамлекеттик грамота, төш белгилер менен сыйланган.