КСДПнын саясий кеңеши бүгүн чукул жыйынга чогулуп, Алмазбек Атамбаевдин иши боюнча чечим кабыл алганы тууралуу аталган партиянын өкүлдөрү маалымат таратышты.
Маалыматка караганда, Атамбаев КСДПнын төрагалыгынан жана курамынан кеткен. Экс-президент партиянын саясий кеңешин жетектөөдөн да баш тартып, анын ордуна төраганын орун басары Асел Кодуранова шайланган. Бирок мындай көрүнүш убактылуу гана экенин, экс-президенттер тууралуу жаңы мыйзамга байланыштуу болгонун саясий кеңештин мүчөсү Адил Турдукулов билдирди. “Сиздер жакшы билесиздер, жаңы мыйзам боюнча экс-президент саясий иштер менен алектене албайт, саясий партияны жетектей албайт, курамында болбоого тийиш. Ошондуктан, биз мыйзам чегинде Алмазбек Атамбаевди убактылуу партиянын курамынан чыгарып турууну чечтик”,- дейт А.Турдукулов.
Жаңы мыйзам боюнча экс-президенттердин кыймылы…
Эскерте кетсек, 16-майда президент Сооронбай Жээнбеков экс-президенттин кол тийбестигин алуу тууралуу мыйзамына кол койгон. Ал мыйзам боюнча экс-президенттер саясий же мамлекеттик бийлик органдарында жетекчилик кызматтарда иштей албайт. Атүгүл саясий партиялардын башкаруу органдарында да эмгектене албайт.
Эрзат МЫРЗА