Алмазбек Атамбаевге кечээ, 18-июлда үчүнчү жолу ИИМден чакыруу кагазы берилди. Ал биринчи кагазында эле барбастыгын айткан. Мыйзам боюнча үч жолу барбаса, күч менен үйүнөн алынып кетээрин билген колдоочулары, партиялаштары тынчсызданып жаткан учуру. Алсак, кечээ кечинде Атамбаевдин кеңешчиси Кундуз Жолдубаева “Фейсбуктагы” баракчасына: “Экс-президент Алмазбек Атамбаевди күч менен кармоого буйрук берилгени белгилүү болду. Милиция күч менен кармап алууну пландап жатат. Бул тууралуу бизге ишенимдүү булактар билдирди. Радикалдык чаралардын арты жаман болорун бийликтегилер унутуп калса керек«, – деп жазды.
Эрзат МЫРЗА