Бул тууралуу бүгүн ӨКМ билдирүү таратты. Алардын айтымында, эртең, 30-январдан 2-февралга чейин аба ырайы кескин түрдө бузулат. Бардык аймактарда кар жаап, ашуу-белдерде, тоолуу райондорго көчкү түшөт. Ошондон улам, айдоочулар жолдо сак болуп, машинанын ортосундагы 500 метр аралык сакталышы зарыл экенин ӨКМ катуу эскертет.
Буга чейин ӨКМдин алдындагы Гидрометеорология боюнча агенттиктин директорунун орун басары Рыскелди Асанходжаев жакында суук болорун, ал көпкө узабай турганын “Спутник Кыргызстан” радиосунан айткан. Ал 3-4-февралдан баштап күн жылый баштаарын, катуу суук күтүлбөсүн билдирген. Ошентип, быйыл кыш деле болбойт экен.