Ички иштер министрлиги Орусиянын Истра шаарындагы “Пятерочка” дүкөндөрүнүн биринде талап-тоноочулук жана сатуучуну өлтүргөн фактыларга Кыргызстандын жарандарынын тиешеси жок экендигин билдирди. Бул тууралуу басма сөз кызматы билдирди.
Алардын айтымында, Москва облусу боюнча Тергөө комитетинин Башкы тергөө башкармалыгынын Истра шаары боюнча Тергөө бөлүмүнүн маалыматына ылайык, шектүүлөрдүн жана кармалган адамдардын арасында Кыргызстан жарандары жок.
ИИМ жалпыга маалымдоо каражаттарынын өкүлдөрүнөн жана социалдык тармак колдонуучуларды такталбаган маалыматтарды таратпоону өтүнөт.
Салима ЖАКШЫЛЫК кызы