Машинелер каз-катар тизилип, дале өтө жай жылууда. Ал жерде тургандардын журналисттерге берген маалыматына караганда, учурда “Ак-Тилекте” 300дөй, “Чоң капкада” 300дөй жеңил жана жүк ташуучу машинелер казак тарапка өтө албай токтоп турат. Ошентип, 10-октябрдан бери, 6 күн карапайым калк кыйналууда.
“С.Жээнбековдун утушу менен абалдын тез арада өзгөрүшү кыйын. Анын үстүнө Атамбаев шайлоо күнү да дагы казак бийлигине акаарат көрсөтүп койду”,- дейт билермандар.
Эскерте кетсек, 8-октябрда, ажо Атамбаев мамлекеттик сыйлык тапшырган күнү казак бийлигин каарып өткөн. Ошондон бери чек ара маселеси башталып, ортодо эл эле кыйналып турат. Тез арада кыргыз-казак чегарасы чечилбесе, ишкерлер дале миллиондогон чыгымдарга кабылышы турган иш.
Күнайым КУБАНЫЧБЕК кызы