Бишкекте саркынды сууларды тазалоочу жайларды чыгаруучу жаңы жогорку технологиялык завод SKY TUNUK ачылды
Бүгүн (2-апрелде) Бишкекте SKY TUNUK тазалоочу курулмалардын бардык түрлөрүн чыгаруучу заводдун ачылышы (Кыргызстандагы биринчи лифттерди чыгаруучу SKY ELEVATORS заводунун базасында) болуп өттү.
Жаңы завод — алдыңкы кореялык технологияларды ишке ашыруучу, саркынды сууларды тазалоо чөйрөсүндө инновациялык чечимдерди иштеп чыгуу, өндүрүү жана орнотуу үчүн кубаттуу заманбап борбор. SKY TUNUK өз ичине биологиялык тазалоочу станциялар, канализациялык насостук станциялар, темир-бетон конструкциялары, май жана нефти тазалагычтар, барабан фильтрлери, ошондой эле блок-модулдук станцияларды камтыйт.
Sky Industrial Group холдингинин негиздөөчүсү Рахат Жунушбаева белгилегендей, тазалоочу жайларды чыгаруучу завод биринчи кезекте экологиялык долбоор болуп саналат.
«Жаратылыш ресурстары, экология жана техникалык көзөмөл министрлигинин акыркы маалыматтарына ылайык, Ысык-Көл облусунда гана 841 эс алуу жайларында тазалоочу курулмалар жок. Демек, агын суулар же көлгө түшүп, же топуракты булгайт. Өлкөбүздүн башка аймактарында да абал мындан жакшы эмес. Канчалаган өнөр жай ишканалары саркынды сууларды туура чыгаруу менен мактана алат.
Биз Кыргызстанга сууну 98 пайызга чейин тазалоого мүмкүндүк берген технологияны алып келдик. Бул техникалык максаттар үчүн кайра колдонууга болот дегенди билдирет. Суунун тартыштыгы маселеси биздин өлкө үчүн да курч турат. Коомдук тамактануу ишканалары, унаа жуучу жайлар, тамак-аш өндүрүшү – бардыгы тазалоочу түзүлүштөрдү, май жана май кармагычтарды орното алат. Бул биздин экологиялык жоопкерчилигибиз, биз бүгүнкү күндө биздин урпактарыбызга эмне каларын ойлонушубуз керек. Ошондуктан, бизнес коомчулугун экологиялык жактан жоопкерчиликтүү болууга чакырам. Жаратылыштын ресурстары чексиз эмес», -дейт Р.Жунушбаева.
Ошондой эле Рахат айым ишкер заводдун кызматкерлерин Корея Республикасынан келген инженерлер өндүрүшкө үйрөтүшкөнүн кошумчалап, сөзүн төмөндөгүдөй жыйынтыктады:
— Биз кореялык өнөктөштөрүбүздүн патенттелген технологиясын гана албастан, продукцияны бардык нормаларга жана талаптарга ылайык жасап, орното ала турган адистерди даярдадык. Сапат биздин приоритетибиз. Мындан тышкары, биз өзүбүздүн жабдууларды чыгарган материалдар экологияга зыян келтирбейт, ошондой эле өндүрүштү мүмкүн болушунча экологиялык жактан таза кылганга аракет кылабыз.
Белгилей кетсек, экология тармагындагы адистердин айтымында, саркынды сууларды тазалоочу курулмаларды орнотуу экологиялык балансты сактоодо жана айлана-чөйрөнүн сапатын сактоодо негизги ролду ойнойт. Бул объектилер саркынды сууларды табигый сууларга же топуракка кирерден мурун булгоочу заттарды алып салуу үчүн арналган атайын системалар.
Кыргызстанда башка көптөгөн өлкөлөрдөй эле экологиянын булганышынын олуттуу көйгөйү бар, анын негизи саркынды сууларды толук эмес тазалоодон турат. Учурда саркынды суулардын 20%га жакыны гана атайын жайлардан өтөт.
Бул абал көп сандаган зыяндуу заттардын көп сандаган калктуу пункттар үчүн ичүүчү суунун булагы болуп саналган дарыяларга жана көлдөргө кирип кетишине алып келет. Заманбап тазалоочу курулмаларды орнотуу бул көйгөйдү чечүүдө негизги кадам болуп саналат. Маселен, миллионго жакын калк жашаган Бишкекте бир объект күнүнө 100 миң кубга чейин саркынды сууну иштете алат. Бул зыяндуу заттардын чыгышын бир кыйла азайтат, дарыялар менен көлдөрдү булгануудан коргойт.
Эске сала кетсек, президент Садыр Жапаров 2022-жылы Жарлыкка кол койгон.
Жарлыкка ылайык, Ысык-Көл облусунун курорттук-рекреациялык зонасында санаторийлер, пансионаттар, эс алуу үйлөрү, коттедждер, конок үйлөр жана мейманканалар, алардын менчигинин формасы жана ведомстволук таандыгы тийиштуу инженердик коммуникациялар жана курулуштар менен гана иштешет.
Салима ЖАКШЫЛЫК кызы