Түндө мечитте өрт чыкканы тууралуу Өзгөчө кырдаалдар министрлигинин басма сөз кызматы билдирди.
Маалыматка караганда, 17-майдан 18-майга караган түнү Махатма Ганди жана Баялинов көчөлөрүнүн кесилишинде жайгашкан мечитте өрт чыгып, чатырынын 1 миң 300 чарчы метри күйүп кеткен. Түнкү саат 00:05тер чамасында маалымат ӨКМга келип түшүп, өрттү өчүрүүгө үч унаа тартылып, саат 02:40та толук өчүрүлгөн. Учурда өрттүн себеби такталууда.
Күнайым КУБАНЫЧБЕК кызы