78 жаштагы мыкты кинорежиссер Болот Шамшиев 24-декабрда Опера жана балет театрынан акыркы сапарга узатылат. Бул тууралуу туугандары билдирди.
Кыргыз ССРинин эл артисти, СССРдин эл артисти Болот Шамшиев кечээ, 21-декабрда, кечке маал каза болгон. Маркум президенттин иш башкармалыгына караштуу атайын ооруканасына ноябрдын аягында түшүп, дарыланып жатканын, 16-ноябрда абалы оорлоп реанимацияда экенин дарыгер Александра Олексюк билдирген эле.
«Алакан» сайтынын эмгек жамааты Болот Шамшиевдин үй-бүлөсүнө, жакындарына терең кайгыруу менен көңүл айтып, азасын тең бөлүшөт.