Түркия мамлекети жана Түрк кеӊеши уюштурган Түрк дүйнөсүнүн Медиа форуму аяктаганын Түрк тилдүү мамлекеттердин кызматташтык кеңешинин Башкы катчысынын орун басары, Кыргыз Эл жазуучусу Султан Раев «Фейсбуктагы» баракчасына жазды.
Султан Акимовичтин маалыматына караганда, форумга Азербайжан, Казакстан, Кыргызстан, Түркия, Өзбекстан, Түркмөнстан, Венгриядан 300дөн ашуун ММК өкүлдөрү катышкан. Азыркы доордогу медианын орду, багыты, маалымат доорундагы чакырыктар, маалыматтык интеграция, социалдык түйүндөрдөгү дезинформация… айтор, медианын көйгөйлүү маселелери, массалык маалыматтын башкы тренди, информациялык технология, инновация жөнүндө эң белгилүү ишмерлер, медиа адистер, эксперттер чыгып ойлорун ортого салды. Медиа форумга кайрылуу жолдоп Түркия Президенти Режап Тайип Эрдоган сүйлөп, сөзү кызуу кабыл алынды.
Медиа форумда түрк дүйнөсүнүн биримдигине, экономикалык карым-катышына, маданий-гуманитардык алакасына маалымат сегменти канчалык маанилүү экендиги айтылды. Бул медиа форум аянтчасын такай өткөрүп туруу демилгеси да көтөрүлдү. Келерки форумдарда да актуалдуу маселелер, айрыкча социалмедиа жана социум маселелерине олуттуу кайрылуу керектиги, болочокто Түрк дүйнөсүнүн бирдиктүү телеканалын түзүү маселеси да күн тартибине коюлду.
Форумга Кыргызстандын медиа өкүлдөрү да активдүү катышты.
Султан Раевдин медиа форумдан кийинки ойлору…
Байдылда САРНОГОЕВ: «Кыргыз деп келгем дүйнөгө Кыргыз деп өтөм дүйнөдөн»
Улутун кимдер сүйбөгөн…
Кызыл эт кезден торолтуп
Кыялым көккө күүлөгөн,
Кыргыз деп келгем дүйнөгө
Кыргыз деп өтөм дүйнөдөн» — деп Кыргыз Эл акыны Байдылда Сарногоев атабыз жазып кеткендей жооп болот.
Кысымда калган кыргыз тили
Бирок… дале бироктор бүтө элек. Мамлекеттик тил мыйзамынын иштеп жатканына 32 жыл болду. Эне тилибизге мамлекеттик тил макамы 1989-жылдын 23-сентябрында ыйгарылган. Бул макамды коңшулардан озунуп кабыл алдык, бирок, иш жүзүндө баарынан артта калдык. Жогоркудай анда-санда жүрөк жылыткан гана иш-чаралар болбосо, эне тилибиз ташыркап дале жолдо. Орус тилине басым жасалган адат калалек. Мамлекеттик иш кагаздары, жыйналыш, маалымат-жыйындарында пресс-релиздер орус тилинде. Айрым мамлекеттик үлкөн сайттарда кыргыз тилинде маалыматтар жетиштъъ эмес. Канча мамлекет башчылуу болдук, бакандай министрлик, майда мекемелер болуп даталуу күндө эле эне тилибизге күйүмүш болуп катуу сүйлөп келдик…
Балким, эми оӊолорбуз, ажобуз тилге катуу көӊүл бурулат дегенсиди…
Байдылда атабыз айткандай, «Кыргыз деп келгем дүйнөгө, Кыргыз деп өтөм дүйнөдөн»! болобузбу, убакыт көрсөтөр…
Назира СААЛИЕВА